Trampın bu hədəsindən sonra... | Fransa və Polşa hərəkətə keçir

Fransa və Polşa müdafiə və iqtisadi məsələləri əhatə edən bir müqavilə imzalayacaq. Bu qərar Rusiya təcavüzü və ABŞ-nin təhlükəsizlik zəmanətləri ilə bağlı qeyri-müəyyənlik fonunda ölkələrin hərbi əməkdaşlığı dərinləşdirmək istiqamətində atdığı son addımdır.

Bu barədə “Faynənşl Tayms” nəşri yazıb.

Qeyd olunur ki, bu sənəd 9 may tarixində Fransa Prezidenti Emmanuel Makron və Polşa Baş naziri Donald Tusk tərəfindən imzalanacaq.

“Müqavilə illərlə hazırlanırdı, lakin ABŞ Prezidenti Donald Trampın Rusiya ilə bağlı eyhamlar etməyə və onilliklərdir Avropa təhlükəsizliyinin əsasında duran Amerika zəmanətlərini geri çəkməklə hədələməyə başlamasından sonra bu sənəd yeni əhəmiyyət qazandı”, – deyə nəşr vurğulayıb.

Polşanın “Defence24” analitik mərkəzinin təhlükəsizlik üzrə analitiki Aleksandr Olex bildirib:

“Tusk həmçinin Vaşinqtona, uzun illər əsas müttəfiqimiz olmuş bir ölkəyə də mesaj göndərir. Bu, Polşanın təkcə ABŞ-dan asılı olmadığını, həm də digər güclü nüvə müttəfiqlərinə sahib ola biləcəyini açıq şəkildə göstərən bir mesajdır”.