Türk ordusundan “Bozdoğan-43” əməliyyatı

Türkiyənin bir neçə güc strukturunun iştirakı ilə separatçı terror təşkilatına qarşı "Bozdoğan-43" əməliyyatı həyata keçirilib.

Bu barədə ölkənin daxili işlər naziri Ali Yerlikaya məlumat verib.

O qeyd edib ki, Türkiyənin Ağrı vilayətinin Doğubəyazıt rayonunun çöllük ərazilərində həyata keçirilən antiterror əməliyyatı nəticəsində uzun müddət axtarışda olan "Şehmus Malazgirt" ləqəbli terrorçu Yılmaz Öner zərərsizləşdirilib.

Məlumatda qeyd olunub ki, məhz Yılmaz Önerin rəhbərliyi ilə həyata keçirilən terror hücumları nəticəsində Türkiyənin 27 polis işçisi və 4 nəfər mülki vətəndaş həyatını itirib.