Türkiyə-ABŞ münasibətlərində tarixi mərhələ | Ərdoğandan vacib mesaj

"ABŞ Türkiyəyə qarşı sanksiyaları yaxın vaxtda aradan qaldıra bilər".

Bu barədə ABŞ Prezidenti Donald Tramp türkiyəli həmkarı Rəcəb Tayyib Ərdoğanla Ağ Evdə keçirdiyi mətbuat konfransında deyib.

"Ərdoğana böyük hörmətim var. O, çox hörmətli bir şəxsiyyətdir. Onu Ağ Evdə qonaq etmək şərəfdir", ‒ deyə Tramp əlavə edib.

Ərdoğan Türkiyə-ABŞ münasibətlərində fərqli prosesin yaşandığını vurğulayıb:

"F-35", "F-16" və "Halkbank" məsələləri ilə bağlı ətraflı danışacağıq. Heybəliada Ruhani Məktəbi ilə bağlı da üzərimizə düşəni yerinə yetirməyə hazırıq. Dönüşdə Fənər Rum Patriarxı I Bartholomeos ilə bu mövzunu müzakirə edəcəyik".

Türkiyə Prezidenti bölgədə barış üçün Trampın təşəbbüslərini dəstəklədiyini də bildirib: "Birlikdə əl-ələ verərək regiondakı problemləri aradan qaldıra biləcəyimizə inanıram".

Qeyd edək ki, Tramp Rusiyadan "S-400" hava hücumundan müdafiə sistemləri aldığına görə Türkiyəyə sanksiya tətbiq etmək qərarını 2020-ci il oktyabrın 14-də açıqlayıb.