Türkiyə Suriyada 30 hədəfi zərərsizləşdirdi

Türkiyə Silahlı Qüvvələri Suriyanın şimalındakı Tel-Rıfat, Cizirə və Dərik bölgələrindəki terrorçulara qarşı hava əməliyyatı həyata keçirib.

Bu barədə ölkənin Müdafiə Nazirliyi məlumat yayıb. Bildirilib ki, əməliyyat zamanı terrorçuların da daxil olduğu 30 hədəf məhv edilib.

Vurulan obyektlər arasında PKK/YPG terrorçularına məxsus sığınacaqlar, təlim obyektləri və silah-sursat anbarları var. Əməliyyatların planlaşdırılan hədəfə çatana qədər davam edəcəyi qeyd olunub.

Gecə saatlarında icra olunan hava zərbələri Suriyada Türkiyənin hərbi bazasına hücuma cavab olub.