Türkiyə XİN-in Moskvaya sərt mesajı gündəmdə - Baku TV

“Rusiyanın NATO-ya qarşı allergiyası var”.

Bunu Türkiyənin xarici işlər naziri Hakan Fidan deyib.

O bildirib ki, Rusiya-Ukrayna müharibəsi davam edir, Türkiyə də NATO üzvüdür və Alyans ölkələri Kiyevi dəstəkləyir:

“Lakin Ankaranın Kiyev və Moskva ilə münasibətlərinin tərəfləri qıcıqlandıracağını düşünmürəm, çünki vasitəçiyə ehtiyac var və bu işi Türkiyə həyata keçirir”.

Bu arada Rusiyanın Ukraynanın Xarkov vilayətinə hücumları nəticəsində iki nəfər həlak olub, bir nəfər isə xəsarət alıb.

Bu barədə Xarkov Vilayət Prokurorluğunun mətbuat xidməti məlumat yayıb.

Bildirilib ki, Xarkovun Kiyevski rayonunda şəhər qəbiristanlığının ərazisinə “İtalmas” tipli PUA ilə zərbə endirilib. Qəbirlər və qaz borusu zədələnib. Xəsarətalanlar barədə məlumat yoxdur.

Ukraynanın şimalındakı Sumı şəhərində isə partlayış baş verib. Vilayətdə hava hücumu xəbərdarlığı elan olunub.

Paytaxt Kiyevdə Rusiyanın kütləvi raket və dron hücumu ilə bağlı sakinlərə xəbərdarlıq edilib. Onlara sığınacaqlara getmək tövsiyə olunub.