Türkiyədə İsmayıl Haniyənin öldürülməsi ilə əlaqədar matəm elan edildi

HƏMAS Siyasi Bürosunun rəhbəri İsmayıl Haniyənin öldürülməsi ilə əlaqədar Türkiyədə bir günlük milli matəm elan olunub.

Türkiyə Prezidenti Rəcəb Tayyib Ərdoğan bununla bağlı “X” hesabında paylaşım edib.

Fələstin mübarizəsinə dəstəyimizi və fələstinli qardaşlarımızla həmrəy olduğumuzu göstərmək üçün HƏMAS Siyasi Bürosunun rəhbəri İsmayıl Haniyənin şəhid olması ilə əlaqədar 2 avqust milli matəm günü elan edilib.

“İsmayıl Haniyəni və bütün fələstinli şəhidləri rəhmətlə yad edir, Fələstin xalqına öz adımdan və millətim adından başsağlığı verirəm”, – deyə R.T.Ərdoğan qeyd edib.