Türkiyənin Rusiya-Ukrayna arasındakı vasitəçiliyi bitirildi? - Razılaşma da olmayacaq, çünki...

“Rusiya ilə Ukrayna arasında problem Rusiya və Ukraynanın işidir. Türkiyə vasitəçi kimi “İstanbul-1”i kifayət qədər uğurla təşkil etdi və Rusiya da buna sonradan təşəkkürlə cavab verdi.

Amma sonradan Qərb bu razılaşmaları məhv etdi”.

Bunu rusiyalı politoloq Stanislav Tarasov erməni mətbuatına müsahibəsində deyib.

“Türkiyə Rusiya və Ukrayna arasındakı müqavilənin ərazi bütövlüyünün qorunması baxımından imzalanmalı olduğunu bəyan edir, amma bu onun problemi deyil. “İstanbul-1”dən sonra Türkiyə hakimiyyəti yeni təşəbbüslərlə çıxış etsə də, Rusiya Ankaranın bu bəyanatlarını siyasi cəhətdən davam etdirmədi. Türkiyə Rusiyaya qarşı sanksiyalara qoşulmamaq üçün bu vasitəçilik səylərindən yararlanır, çünki vasitəçi neytral olmalıdır, vasitəçi sanksiyalara qoşulan kimi, o, münaqişə tərəfinə çevrilir. Çox güman ki, indi o resurs tükənib və Rusiya sadəcə olaraq Türkiyəyə xatırladıb ki, o, Qərbə meyillənməyə başlayıb. Ruslar Türkiyənin Ukraynaya texnologiya və hərbi texnika verdiyini bilir. Çox güman ki, “İstanbul-2” və Ukrayna ilə mövcud razılaşmalar olmayacaq. Hansı danışıqların olacağını söyləmək çətindir – kapitulyasiya və ya başqa nəsə. Amma olacaq və bu danışıqların Türkiyənin vasitəçiliyi və Türkiyədə olması vacib deyil. Bu prosesdə iştirak etməyə hazır olan ABŞ, Çin və bu rolu oynaya biləcək bir sıra başqa ölkələr var”, – S.Tarasov bildirib.