Üçtərəfli danışıqlar formatı bəra olunacaq?

Ukrayna Prezidenti Volodimir Zelenski ABŞ ilə əlaqələrin yaxşı səviyyədə davam etdiyini və yaxın həftələrdə üçtərəfli danışıqlar formatının bərpa oluna biləcəyini açıqlayıb.

“RBK-Ukrayna”nın yaydığı məlumata görə, dövlət başçısı bu dəfə Avropa tərəfinin də prosesə qoşulmasının gözlənildiyini bildirib.

Prezident vurğulayıb ki, bu proses müsbət nəticələr vəd edir.

Zelenskinin sözlərinə görə, Ukrayna nümayəndə heyəti həm təhlükəsizlik əməkdaşlığı, həm də Rusiya ilə bağlı diplomatik məsələlər üzrə ABŞ tərəfi ilə fəal təmaslarını davam etdirir.

Bununla yanaşı, Zelenski Rusiyanın Belarus və Bryansk istiqamətindən Ukraynaya mümkün hücum variantlarını nəzərdən keçirdiyini də bildirib. O qeyd edib ki, Kiyev Çerniqov-Kiyev xətti üzrə müdafiənin gücləndirilməsi üçün artıq konkret addımlar atır.

Ukrayna Prezidenti əlavə edib ki, ölkə həm Belarus ərazisindən, həm də Rusiyanın bəzi bölgələrindən yarana biləcək təhlükələrə qarşı preventiv tədbirləri davam etdirir.