Ukrayna Belqorodu raket atəşinə tutdu | Rusiya MN-dən təfərrrüatlar

Ukrayna Silahlı Qüvvələri Rusiyanın Belqorod şəhərinə raket zərbələri endirməyə davam edir.

Yanvarın 3-ü gecə saatlarından etibarən şəhərə onlarla raket atılıb. Bu barədə Rusiya Müdafiə Nazirliyi məlumat verib.

Bildirilib ki, ölkənin hava hücumundan müdafiə sistemləri Belqorod vilayəti üzərində altı “Toçka-U” reaktiv yaylım atəş sistemini və altı “Vilxa” raketini məhv edib.

Hadisə ilə bağlı Belqorod vilayətinin qubernatoru Vyaçeslav Qladkov da rəsmi “Telegram” kanalında məlumat paylaşıb. Xəbərə əsasən, Ukrayna Silahlı Qüvvələri Rusiyanın sözügedən ərazidəki hərbi obyektlərinə raket zərbələri endirib.

Qeyd olunub ki, onlardan bəziləri mülki infrastruklara və yaşayış binalarına düşüb. Hadisə nəticəsində mənzillərə ciddi ziyan dəyib, tələfatların olub-olmadığı araşdırılır.

Həmçinin Fövqəladə Hallar Nazirliyi sakinlərə müraciət edib və onlara evlərini tərk edərək sığınacaqlara getmələrini tövsiyə edib. Şəhərdə raket təhlükəsi siqnalı işə salınıb. Bundan, başqa regionda fövqəladə vəziyyətin tətbiq edilməsi də nəzərdə tutulur.