Ukrayna bu raketlə Krım körpüsünü vura bilər | Almaniyanın yeni liderinin mesajı gərginlik yaratdı
Almaniyanın yeni seçilmiş Kansleri Fridrix Merts Kiyevə “Taurus” raketlərini tədarük edəcəyi təqdirdə ölkəni birbaşa Rusiya-Ukrayna müharibəsinin tərəfinə çevirəcək.
Bunu amerikalı analitik Gilbert Dokrou deyib.
“Almaniya Ukraynaya “Taurus” tədarük etməyə başlaya və onu idarə etmək üçün mütəxəssislər göndərə bilər. Başqa sözlə, F.Merts Almaniyanı müharibənin birbaşa tərəfinə və legitim hədəfə çevirməyə hazırdır”, − ekspert vurğulayıb.
G.Dokrou qeyd edib ki, Ukrayna bu raketlə Krım körpüsünü vura bilər:
“Almaniya belə bir addıma cavab verməyə hazırdırmı?”.
Amerikalı ekspert əlavə edib ki, Krım körpüsü Ukraynanın işğal edilmiş əraziləri ilə Rusiya arasında quru əlaqəsini təmin edən yeganə yoldur. Rusiya dəfələrlə körpünün vurulmaması barədə Ukrayna və avropalı tərəfdaşlarına xəbərdarlıq edib. Ukrayna üçillik müharibədə körpünü vurmaqdan çəkinib.
Xatırladaq ki, Almaniyanın hazırkı Kansleri Olaf Şolts müharibənin başlamasından bəri sözügedən raketlərin Ukraynaya tədarükündən imtina edir.
O.Şoltsun xələfi F.Merts isə ötən gün vəzifəsinin icrasına başladıqdan sonra Ukraynaya “Taurus”ların tədarükünə başlanıla biləcəyini açıqlayıb. Həmin gün Rusiya Xarici İşlər Nazirliyinin sözçüsü Mariya Zaxarova bəyan edib ki, Ukrayna gələcəkdə bu raketlərlə federasiya ərazilərinə zərbələr endirsə, Moskva Almaniyanı müharibədə tərəf kimi qəbul edəcək.
Almaniyanın yeni Kansleri vəzifəsinin icrasına mayın 6-da başlayacaq.
#ABŞ teqi istifadə olunub
- Xamenei "Sparrow" ilə öldürülməyib | Naxçıvanın vurulmasının arxasında nə dayanır? - HƏRBİ XRONİKA
- ABŞ İranda rejim dəyişikliyi istəyir? | Rubiodan açıqlama - BAKU TV CANLI
- ABŞ İrana qarşı uzun müharibəyə hazırlaşır? | BMT-nin müharibəyə reaksiyası - Baku TV
- Tramp Tehrandan qeyd-şərtsiz kapitulyasiya tələb edib
- ABŞ və İsraillə hərbi gərginlik İrana baha başa gələcək? - Baku TV
