Ukrayna buna ancaq özü qərar verəcək | Pentaqondan açıqlama

Ukrayna Ordusu “F-16” təyyarələrini öz suveren əraziləri daxilində hücumlar üçün idarə edə biləcək.

Bunu Pentaqonun sözçüsü Patrik Rayder deyib.

Onun sözlərinə görə, sözügedən qırıcıların yüksək texnologiyalı sistemi təkcə onu idarə etmək üçün deyil, həm də onu saxlamaq və dəstəkləmək üçün xüsusi təlim tələb edir:

"Ramşteyn formatı çərçivəsində Ukrayna Hərbi Hava Qüvvələrini gücləndirmək üçün Danimarka və Niderland, eləcə də ABŞ ilə birlikdə təkcə ukraynalı pilotların deyil, həm də ukraynalı texniklərin hazırlanmasını təmin etmək üçün çox ciddi işlər görür.

Biz də ukraynalıların ehtiyaclarını başa düşmək və suveren Ukrayna ərazisini müdafiə etmək üçün lazım olan dəstəyi inkişaf etdirmək üçün addım-addım işləyirik. Hətta bu yaxınlarda cavab atəşi və müdafiə zərbələri üçün sərhəddən ABŞ hərbi sursatlarının istifadəsinə icazə də verdik".

Pentaqon rəsmisi onu da vurğulayıb ki, sözügedən qırıcılardan Ukraynanın suveren ərazisində necə istifadə olunacağına qərar verən Ukrayna özü olacaq, ABŞ deyil.