Dünya
Pleyeri seçin:
Ukrayna Rusiyanın bu vilayətlərinə PUA "yağdırdı" | Hücum barədə təcili məlumat
Ukrayna Silahlı Qüvvələri Rusiyaya kütləvi hücum edib.
Oktyabrın 2-dən 3-nə keçən gecə Rusiya ərazisi üzərində Ukraynaya məxsus 113 pilotsuz uçuş aparatı məhv edilib.
Bu barədə ölkənin Müdafiə Nazirliyi məlumat yayıb.
Bildirilib ki, Ukrayna dronlarının 73-ü Belqorod, 25-i Voronej, 14-ü Kursk, biri isə Bryansk vilayəti üzərində vurulub.
Belqorod vilayətinin qubernatoru Vyaçeslav Qladkov “Telegram” kanalında bildirib ki, Ukrayna Ordusunun hücumu nəticəsində 4 mülki şəxs həlak olub, 24 nəfər isə yaralanıb.
Qeyd edək ki, Ukraynanın hava hücumu ilə bağlı Rusiyanın Kazan və Nijnekamsk şəhərlərində oktyabrın 3-ü səhər saatlarından etibarən hava limanlarında uçuşlar müvəqqəti olaraq dayandırılıb.
Kopyalandı
Seçilmişlər
