Ukrayna şəhərlərində kabus dolu anlar | Rusiya Ordusu hücumda

Rusiya Silahlı Qüvvələri Ukraynanın hərbi və enerji infrastrukturlarına kütləvi hücum təşkil edib.

Bu barədə SHOT “Telegram” kanalı məlumat yayıb.

Məlumata görə, hücum dekabrın 5-də gecə saatlarında başlayıb. Bütün Ukrayna ərazisi boyunca hava hücumu xəbərdarlığı qüvvədə olub.

Hücum zamanı “Kinjal” hipersəs raketlərindən və “Geran-3” dronlarından istifadə edilib. Kiyevin yaxınlığındakı Fastivdə güclü partlayışlar və yanğın baş verib. Yerli dəmiryol qovşağının və enerji obyektlərinin dağıdıldığı bildirilir. Şəhərdə hədəf alınanlar sırasında bir neçə mühüm zavodun olduğu qeyd edilir.

Eyni zamanda “Kinjal” raketləri Dnepropetrovsk vilayətindəki ən böyük və Ukraynada üçüncü ən güclü elektrik stansiyası olan Krivoy-Roq İstilik Elektrik Stansiyasının ərazisinə də zərbə endirib. Bölgədə elektrik kəsintiləri müşahidə olunur. “Geran-3” PUA-ları ilə Belaya Tserkov və Vışqorod şəhərlərindəki hədəflərə də zərbələr endirilib. Dronların anbarların yaxınlığına düşdüyü bildirilir. Hücumdan sonra yanğın başlayıb.

Bundan əlavə, Xmelnitski vilayətindəki hərbi aerodromun yaxınlığında, eləcə də Sumı, Çerniqov, Çerkassk, Vinnitsa, Poltava və Odessa bölgələrində də partlayışlar eşidilib.