Pleyeri seçin:
Ukrayna Təhlükəsizlik Xidmətindən uğurlu əməliyyat
“Ukraynasız qəbul edilən qərarlar heç bir nəticə verməyəcək”.
Bunu Ukrayna Prezidenti Volodimir Zelenski söyləyib.
O bildirib ki, Kiyev sülhün təmin olunmasına xidmət edən qərarlara hazırdır:
“Bizə qarşı olan və ya bizsiz qəbul edilən hər hansı bir qərar heç bir nəticə verməyəcək. Belə qərarlar icra olunmaz qərarlardır. Biz davamlı sülh üçün Prezident Donald Trampla və bütün tərəfdaşlarımızla işləməyə hazırıq”.
Bu arada Ukrayna Təhlükəsizlik Xidməti uzaqmənzilli pilotsuz uçuş aparatları ilə Rusiyada “Şahed” pilotsuz aparatlarının saxlandığı anbara zərbə endirib.
Qeyd olunub ki, uzaqmənzilli dronlar vasitəsilə Ukraynadan 1000 kilometrdən çox məsafədə yerləşən Tatarıstanın Kızıl-Yul yaşayış məntəqəsindəki logistika mərkəzi vurulub. Anbarda istifadəyə hazır “Şahed” zərbə dronları və onların istehsalı üçün nəzərdə tutulmuş xarici komponentlər saxlanılırdı.
Kopyalandı
