Ukrayna uzaqmənzilli raketlərdən istifadə edəcək?

ABŞ Prezidenti Donald Tramp bəyan edib ki, "The Wall Street Journal" nəşrinin Ukraynanın müttəfiqlər tərəfindən təchiz edilmiş uzaqmənzilli raketlərdən istifadəsinə qoyulan əsas məhdudiyyəti aradan qaldırması barədə yaydığı məlumat həqiqətə uyğun deyil.

Amerika lideri bu barədə "Truth Social"da yazıb.

"The Wall Street Journal"ın ABŞ-nin Ukraynaya uzaqmənzilli raketlərlə Rusiyanın dərinliyinə zərbələr endirməyə icazə verməsi barədə məqaləsi yalan xəbərdir. Bu raketlərin haradan gəldiyindən və Ukraynanın onlarla nə etdiyindən asılı olmayaraq, ABŞ-nin bu məsələdə heç bir əlaqəsi yoxdur!", ‒ deyə Tramp bildirib.

Qeyd edək ki, təyyarələrdən buraxılan raketlər 300 km məsafədəki hədəfləri vura bilir.

Ukrayna Silahlı Qüvvələrinin Baş Qərargahı tərəfindən sosial mediada bildirilib ki, Ukrayna Bryanskda partlayıcı maddələr və raket yanacağı istehsal edən Rusiya zavoduna zərbələr endirmək üçün Britaniya tərəfindən təchiz edilmiş raketlərdən istifadə edib.