Ukrayna və ABŞ rəsmisi enerji təchizatını müzakirə ediblər

Ukrayna Baş nazirinin birinci müavini və energetika naziri Denis Şmıqal ABŞ-nin energetika katibi Kris Raytla görüşüb.

Şmıqal bu barədə “Telegram” kanalında yazıb.

Onun sözlərinə görə, tərəflər ölkələr arasında energetika tərəfdaşlığı perspektivlərini müzakirə ediblər və gələcək enerji müqaviləsi üzərində işləmək barədə razılığa gəliblər.

Nazir üç sahədə əməkdaşlıq planlarını açıqlayıb: Amerikanın mayeləşdirilmiş təbii qazının Ukraynaya təchizatı, Ukraynanın qaz ötürmə sistemindən, yeraltı qaz anbarlarından istifadə və nüvə enerjisində tərəfdaşlıq.

“Amerikanın mayeləşdirilmiş təbii qazının təchizatı üçün ən effektli vasitə “Şaquli Qaz Dəhlizi”dir ki, tutumu daha da genişləndirilə bilən mövcud marşrutdur”, – deyə paylaşımda bildirilir.

Nazirin sözlərinə görə, Ukrayna qaz ötürmə sistemindən və yeraltı qaz anbarlarından istifadə sahəsində strateji tərəfdaşlıqda maraqlıdır. Xüsusən Rusiya qazının tədricən dayandırılması gözlənildiyi nəzərə alınmaqla, ABŞ-nin bölgəyə mayeləşdirilmiş təbii qaz tədarükü üçün əlavə imkanlar yarada bilər.

“ABŞ ilə nüvə sektorunda əməkdaşlıq, xüsusən qabaqcıl Amerika texnologiyalarının tətbiqi baxımından Ukrayna üçün strateji əhəmiyyət kəsb edir. Ukrayna Amerika nüvə sektorundan yararlanmaqda maraqlıdır”, – deyə Denis Şmıqal əlavə edib.