Ukraynalı generalın 3 günlük qapalı toplantısı | Detallar ortaya çıxdı

Ukrayna Silahlı Qüvvələrinin generalı Aleksandr Pavlyuk Almaniyanın Drezden şəhərində NATO-ya üzv ölkələrin komandanları ilə gizli görüş keçirib.

Bu barədə “Bild” nəşri məlumat yayıb.

Məlumata görə, əsasən Avropadan olan 35 ölkənin yüksəkrütbəli hərbi liderlərinin qapalı görüşü üç günlük toplantı olub və avqustun 29-da başa çatıb.

A.Pavlyuk Almaniya Quru Qoşunlarının müfəttişi, general-leytenant Alfons Maynsla görüşüb. Görüşdə həmçinin ABŞ, Niderland, Estoniya, İspaniya, Britaniya, İsveç, Albaniya və Yunanıstan ordusunun generalları da olub. Görüşdə müzakirə mövzusunun nə olduğu haqda nəşr məlumat verməyib.