“Ukraynanı dəstəklədiyini düşünmək sadəlövhlükdür” | Tramp yardımı, əslində, niyə bərpa etdi?

“The Economist” jurnalı ABŞ Prezidenti Donald Trampın Ukrayna siyasətini sərt tənqid edib.

Nəşr yazır ki, D.Tramp istəmir ki, Ukrayna onun prezidentliyi dövründə dağılsın, lakin o, Ukraynanın tərəfində də açıq şəkildə dayanmayıb.

Məqalədə vurğulanır ki, ABŞ-nin Ukraynaya hərbi yardımını bərpa etməsi, xüsusilə də “Patriot” sistemləri üçün raketlərin ötürülməsi Rusiyanın güclənən hava hücumları fonunda sağlam düşüncənin qələbəsidir.

Jurnal qeyd edir ki, yardımın dayandırılması, əslində, Rusiyaya tam hərəkət azadlığı vermək və aqressiyasını mükafatlandırmaq anlamına gələrdi.

Bununla belə, “The Economist” hesab edir ki, D.Trampın Ukraynanı dəstəklədiyini düşünmək sadəlövhlük olardı. Müəllifin fikrincə, hərbi yardımın bərpası ən yaxşı halda əvvəlki vəziyyətə qayıdışdır, yəni real siyasi mövqe dəyişikliyi baş verməyib.