Ukraynanın bu əraziləri raket və dronlarla atəşə tutuldu | Ölənlərin sayı artır

20 may 2024 547 baxış

Mayın 19-u gecədən 20-si səhər saatlarınadək Ukraynanın Odessa, Xarkov, Sumı, Poltava, Çerniqov və Zaporojye şəhər və vilayətləri raket atəşinə tutulub. Bu barədə Ukrayna mətbuatında məlumat verilib.

Bildirilir ki, raketlər havadan və artilleriya qurğularından atılıb. Gecə boyu təkcə Xarkov vilayətinə endirilən zərbələr nəticəsində azı 8 nəfər ölüb, yaralıların sayı isə 30-u keçib. Son 24 saatda isə vilayətdə ölənlərin sayı 15 nəfərə çatıb.

Həmçinin dağıntılar altında qalanların da olduğu bildirilir. Bu səbəbdən ölənlərin sayının artacağı ehtimal olunur. Bununla yanaşı, Odessa vilayətində güclü partlayış səsləri eşdilib.

Qeyd edək ki, Ukrayna Silahlı Qüvvələri Zaporojye vilayətində Rusiya qüvvələrini kütləvi atəşə tutub, itkilər var. Bundan başqa, mayın 19-u Ukrayna Silahlı Qüvvələrinin Baş Qərargahının yaydığı məlumata görə, Rusiyaya məxsus “Kovrovets” dəniz minaaxtaran gəmisi vurulub. Bu hadisədən sonra Ukraynada vəziyyət gərginləşib.

#Odessa şəhəri