Ukraynanın mülki infrastrukturu təhlükədə | Müharibənin taleyi dəyişir?

“ABŞ-dən gələn yardım dayansa, mülki obyektlər risk altına düşəcək”.

Bu barədə Ukrayna Təhlükəsizlik və Əməkdaşlıq Mərkəzinin rəhbəri Serhii Kuzan məlumat verib.

Onun sözlərinə görə, “Patriot” hava hücumundan müdafiə sistemləri təkcə ordunun deyil, mülki infrastrukturun da qorunmasında vacib rol oynayır. Lakin ehtiyat azaldıqca raketlərin istifadəsi prioritet obyektlərə, əsasən hərbi təyinatlı müəssisələrin qorunmasına yönəldiləcək. Bu da nəticədə bəzi mülki infrastrukturları qorunmasız vəziyyətə gətirib çıxacaq:

“Patriot” sistemləri hazırda Ukraynada ən geniş yayılan və səmərəli hava hücumundan müdafiə vasitələridir. Onlar ortamənzilli ballistik raketlərə qarşı xüsusi təsir gücünə malikdir. Bu sistemlər olmadan Rusiya raket hücumlarına qarşı müdafiə zəifləyə bilər”.

Ukrayna rəsmiləri bildirirlər ki, silah tədarükü təkcə Avropanın təhlükəsizliyi üçün deyil, qlobal sabitlik üçün də mühüm əhəmiyyət daşıyır. Ukrayna bu kontekstdə Avropanın təhlükəsizlik arxitekturasının mərkəzi elementi hesab olunur.

Qeyd edək ki, Ağ Ev rəhbəri Donald Tramp ukraynalı həmkarı Volodimir Zelenski ilə görüşdən sonra bu ölkəyə daha çox “Patriot” raket sistemi satmağı nəzərdən keçirdiyini açıqlayıb.