Ukraynanın qarşısında duran əsas tapşırıq | "Putinə qalib gələndən sonra..."

“İlk altı ay ərzində əsas işimiz ordunun keyfiyyətli təminatı, silah istehsalının artırılması və Ukrayna Silahlı Qüvvələrinin texnoloji səviyyəsinin yüksəldilməsi olacaq”.

Bu sözləri Ali Radada Ukraynanın yeni seçilən Baş naziri Yuliya Sviridenko deyib.

Onun sözlərinə görə, hökumətin qarşısında duran digər əsas tapşırıq isə sahibkarlığa dəstəkdir:

“Biz Ukrayna sahibkarlarını dəstəkləmək üçün müəyyən addımlar atacağıq. Söhbət kompleks tənzimləmənin davam etdirilməsindən, biznesə qanunsuz təzyiqin dayandırılmasından, özəlləşdirmənin sürətləndirilməsindən və effektiv dəstək mexanizmlərinin davam etdirilməsindən gedir. Hər şeyin Ukraynada istehsalı xətti ilə irəliləyəcəyik. Biz artıq Ukrayna Prezidenti ilə bu barədə danışmışıq. Ona dəstəyinə görə minnətdaram”.

İclasda Ukrayna Prezidenti Volodimir Zelenski də iştirak edib. Deputat Aleksandr Qonçarenko ona “Hərbçilərin xidmət müddəti nə vaxt yekunlaşacaq?” sualını ünvanlayıb. V.Zelenski isə “Vladimir Putinə qalib gələndə hərbçilərimiz evlərinə qayıdacaqlar” cavabını verib.

Ukrayna Prezidenti deputatlara “siz nəinki Ali Radada, elə cəbhədə də onlara kömək edəcəksiniz” deyib.