Ukraynanın yeni prezidenti o olsa... | Namizədlərin içində ən güclü kimdir?

Ukrayna Prezidenti Volodimir Zelenskinin növbəti prezident seçkilərində yenidən namizəd olacağı bildirilir.

Bu barədə Ukraynanın “Telegraf” internet portalı məlumat yayıb.

2025-ci il ərzində ölkədə eyni tarixdə prezident və parlament seçkilərinin keçiriləcəyi gözlənilir. Artıq siyasi qüvvələr seçkilərlə bağlı hazırlıq işlərinə start verib. 2014-cü il Maydan hadisələrindən sonra hakimiyyətə gələn və 2019-cu il seçkilərində Volodimir Zelenski qarşısında məğlub olan keçmiş prezident Petro Poroşenko yenidən hakimiyyətə gəlmək üçün müxtəlif siyasi qüvvələrlə danışıqlara başlayıb.

Son günlər ölkənin fərqli media qurumlarında P.Poroşenko dövrünü tərifləyən məqalələr yayımlanır. Ölkədəki ictimai rəy elə formalaşdırılır ki, guya P.Poroşenko prezident olsa, Rusiya ilə müharibə baş verməyəcək, Ukraynanın Qərbə inteqrasiyası üçün mühüm addımlar atılacaq. Ehtimal ki, oliqarx siyasətçi bu təbliğata külli miqdarda vəsait xərcləyir.

Bəs maraqlıdır, görəsən, Ukraynanın yeni prezidenti kim olacaq?