Pleyeri seçin:
Uşaqlarla bağlı tükürpərdici statistika
Xəbərlərimizi Google-da izləyin
Yeniliklərdən dərhal xəbərdar olun
2005-ci ildən bəri dünyanın müxtəlif qitələrində müharibələr nəticəsində ən azı 120 000 uşaq həlak və ya şikəst olub ki, bu da günə orta hesabla 20 uşaq deməkdir.
2005-2022-ci illər arasında Birləşmiş Millətlər Təşkilatı tərəfindən hazırlanan hesabatlarda münaqişə zonalarında yaşayan uşaqlara qarşı 315 000 ciddi pozuntu faktı öz əksini tapıb. Hesabata görə, 120 000-dən çox uşaq öldürülüb və ya şikəst qalıb. Ən azı 105 000 uşaq silahlı qüvvələr və ya silahlı qruplar tərəfindən işə götürülüb və ya istismara məruz qalıb. 32 500-dən çox uşaq oğurlanıb. 16 000-dən çox uşaq cinsi zorakılığa məruz qalıb.
BMT həmçinin bu illər ərzində müharibə aparan tərəflərin məktəblərə və həbsxanalara 16 000-dən çox hücumunu təsdiqləyib. Real rəqəmin isə bundan daha böyük olduğu ehtimal edilir. Bundan əlavə, milyonlarla uşaq evindən didərgin düşüb, bir və ya hər iki valideynini itirib.
UNICEF-in İcraçı Direktoru Ketrin Rassel deyib ki, istənilən müharibə nəticə etibarı ilə uşaqlara qarşı aparılan müharibədir: “Münaqişə zonalarında yaşamaq uşaqlara fəlakətli təsirlər göstərir. Onları müharibələrdən qorumaq üçün nə etməli olduğumuzu bilsək də, təəssüflər olsun ki, bu istiqamətdə lazımi işlər görülmür. Uşaqların böyüklərin apardığı müharibələrin qurbanına çevrilməməsi və onların müdafiəsini təmin etmək üçün konkret addımlar atmaq hamımızın borcudur”.
Məlumat üçün bildirək ki, müharibələrdən əziyyət çəkən uşaqların müdafiəsini təmin etmək üçün 2026-cı ilə qədər 1,05 milyard ABŞ dolları məbləğində yardım tələb olunacaq. Buraya uşaqların psixi sağlamlığının qorunması, onların silahlı qruplara cəlb olunmasının qarşısının alınması və bu kimi digər mühüm xidmətlər daxildir.
Kopyalandı
Seçilmişlər
