Xamenei xalqa səsləndi | "İran geri çəkilməyəcək!"

“İran xalqı xarici güclər üçün muzdlu işləməyi qəbul etmir”.

Bunu yanvarın 9-da ölkəboyu keçirilən etirazlarla bağlı çıxışı zamanı İranın ali rəhbəri Əli Xamenei deyib.

O vurğulayıb ki, kimliyindən asılı olmayaraq, bir dəfə xaricilər üçün çalışan şəxs xalq tərəfindən rədd edilir:

“İran xalqı istənilən düşməni dəf etməyə qadir yeganə xalqdır. Bilməlisiniz ki, İslam Respublikası minlərlə mərd insanın qanı hesabına hakimiyyətə gəlib. İran bu ölkəni parçalamağa çalışan heç bir qüvvə qarşısında geri çəkilməyəcək. Tramp diqqətini öz ölkəsinin problemlərinə yönəltməlidir. 12 günlük müharibə zamanı mindən artıq sadə vətəndaşımız öldürüldü. Amma indi “mən İran xalqının yanındayam” deyir. Bir qrup təcrübəsiz, ağılsız adam da buna inanır və onun arzusuna uyğun hərəkət edir”.

“İranda baş verən etirazlarda xarici dövlətlərin əli var” deyən ali lider əlavə edib ki, İran etirazlar qarşısında geri çəkilməyəcək. İslam Respublikası xaricilərə xidmət edilməsinə yol verməyəcək.