Pleyeri seçin:
Xameneinin müşavirinin qızının dəbdəbəli toyundan videolar yayıldı
Sosial şəbəkələrdə İranın ali rəhbəri Əli Xameneinin müşaviri Əli Şamxaninin qızının toy mərasimindən videolar yenidən yayılıb.
"Azad İran" "Telegram" kanalının xəbərinə görə, kadrlar ictimaiyyətdə geniş müzakirələrə və tənqidə səbəb olub.
Bu nikah mərasimi ötən il Tehranın lüks "Espinas Palas" hotelində baş tutmuşdu və "Arman Melli" qəzeti həmin vaxt "Espinas Persian Hotelində toy qalmaqalı" başlıqlı məqalə dərc etmişdi.
Qəzetin məlumatına görə, mərasimin xərci təxminən 1 milyard 400 milyon tümən, yəni 14 703 dollar olub.
Məqalə müəllifi qeyd etmişdi ki, ölkədə iqtisadi sanksiyalar və inflyasiya şəraitində belə bir dəbdəbənin nümayişi, sadə vətəndaşlardan səbir və təmkin gözləyən hakimiyyət üçün suallar doğurur.
Yeni yayılan görüntülər İran cəmiyyətində sosial bərabərsizlik, korrupsiya və elitanın həyat tərzi mövzusunda mübahisələri yenidən alovlandırıb.
Kopyalandı
Seçilmişlər
