Xameneinin xəbərdarlığı Pezeşkianı hərəkətə keçirdi | İsrailə cavab zərbəsi...

İranın yeni prezidenti Məsud Pezeşkian ölkənin ali dini lideri Ayətullah Əli Xameneini İsrailə qarşı cavab zərbəsini dayandırmağa çağırıb. Çünki bu, İranın özü üçün dağıdıcı nəticələrə səbəb ola bilər.

Bu barədə “İran İnternational” telekanalı məlumat yayıb. Bildirilib ki, Xamenei ilə görüşdə Pezeşkian xəbərdarlıq edib ki, İsrailin İranın hücumuna dərhal milli infrastruktur və enerji obyektlərinə hücumlar şəklində cavab vermək qərarı ölkə iqtisadiyyatını iflic vəziyyətinə sala bilər.

Pezeşkian həmçinin qeyd edib ki, SEPAH generallarının döyüşkən ritorikaları ilə İranı arzuolunmaz müharibəyə sürükləyə biləcəyindən ehtiyat edir.

Məlumata görə, Xamenei öz fikirlərini bildirmədən prezidentin arqumentlərini dinləyib.