Xarici qoşunlar və sanksiyalar yenidən Kremlin gündəmində

“Rusiyanın Ukraynada xarici hərbi kontingentlərinin olması ilə bağlı mövqeyi hamıya məlumdur. Bu mövqe tamamilə aydındır. Məsələyə Prezident Vladimir Putin tərəfindən və digər işçi səviyyələrdə münasibət bildirilib. Amma bu mövzu yenə də müzakirə edilməsi üçün bir əsasdır”.

Bu fikri Rusiya Prezidenti Vladimir Putinin mətbuat katibi Dmitri Peskov Ukrayna ərazisində Avropa İttifaqı koalisiyasının bir hissəsi kimi xarici hərbi kontingentlərin olmasının məqbul olub-olmadığı ilə bağlı sualı cavablandırarkən səsləndirib.

Kremlin sözçüsü əlavə edib ki, Moskva ABŞ və Avropa ilə müzakirələrdən irəli gələn sənədləri nəzərdən keçirdikdən sonra hər şey aydın olacaq.

Ukrayna Prezidenti Volodimir Zelenskinin, həqiqətən də, sülhə nail olmaq istəyib-istəmədiyi mövzusuna toxunan Peskov vurğulayıb:

“Mən hazırda heç bir proqnoz və ya qiymətləndirmə edə bilmərəm. Kremlin Ukrayna sülh prosesi kontekstində ümumi mövzuları və ya konkret məqamları mətbuat vasitəsilə müzakirə etmək niyyətində deyiləm”.

Kremlin sözçüsü Dmitri Peskov bildirib ki, Moskva Vaşinqtondakı bir sıra kabinetlərdə Rusiyaya qarşı yeni sanksiyalar tətbiq etmək planlarının olduğunu yaxşı bilir.

Onun sözlərinə görə, istənilən sanksiyalar zərərlidir, münasibətlərin yaxşılaşdırılması prosesinə zərər verir. Peskov Kremlin hələ ki ABŞ-nin Rusiyaya qarşı yeni sanksiyalar tətbiq etməyi düşündüyü barədə xəbərləri görmədiyini söyləyib.