XIV Leonun gəlişi Peruda yerli sənətkarlara da qazanc gətirib

Perunun şimalında yerləşən Çiklayo vilayətində Roma Papası XIV Leonun səfərinə hazırlıq gedir.

ABŞ-də doğulan pontifik vaxtilə yepiskop Robert Prevost kimi bu bölgədə uzun illər fəaliyyət göstərib. Yerli sakinlər onu xüsusi hədiyyələr, əl işləri və ənənəvi təamlarla qarşılamağa hazırlaşırlar.

Monsefu şəhərində çörək ustası Pablo Sezar Velaskes Papasının təsvirini əks etdirən xüsusi çörək hazırlayıb. Əllə formalaşdırılan və odun sobasında bişirilən bu fiqurun hazırlanması təxminən 6 saat çəkir. Usta bildirir ki, bu işi Papaya olan sevgi və hörmətindən irəli gələrək ərsəyə gətirib.

Yerli restoranlar da XIV Leonun bölgədə yaşadığı illərdə sevdiyi yeməkləri yenidən hazırlayır. Sənətkarlar isə onun təsviri olan suvenirlər, toxunma fiqurlar və naxışlı parçalar satışa çıxarıblar. 

Sənətkar Jaklin Ayastanın sözlərinə görə, Papaya həsr olunan əl işlərinə maraq satışları 50 faizdən çox artırıb. Şəhərdə xüsusi sərgilər, qarşılama bannerləri və hətta "Papanın masası" adlandırılan restoran guşəsi də hazırlanıb.

Bütün bunlar XIV Leonun Perunun şimalında keçirdiyi illərin yerli sakinlərin yaddaşında dərin iz buraxdığını göstərir.