Ya qalx sözünü de, ya da ağzını yum! | Bayden özündən çıxdı

ABŞ Prezidenti Co Bayden onun sözünü kəsən tənqidçisinə emosional reaksiya verib.

İnsident ABŞ liderinin Vaşinqtonun “Union Station” arenasında çıxışı zamanı yaşanıb. Dövlət başçısı uşaqların sağlamlığına qoyulan sərmayələrdən danışarkən naməlum şəxs onun sözünü kəsərək tənqid etməyə başlayıb.

“Yaxşı, mən sənə belə deyəcəyəm. Ya qalx səhnəyə və öz sözünü de, ya da ağzını yum. Yaxşı?, – deyə amerikalı lider bildirib. Tamaşaçılar onun sözlərini alqışlarla qarşılayıblar.

Qeyd edək ki, 81 yaşı olan C.Bayden ictimai çıxışlarında tez-tez müxtəlif səhvlərə yol verir.