Yadplanetlilər tərəfindən siqnal göndərildi? - Alimlərdən təəccübləndirən araşdırma

Kolumbiya Universitetinin və Sidney Astronomiya İnstitutunun alimləri Süd Yolu qalaktikasında yadplanetlilərin mövcudluğu ehtimalını araşdırıblar.

Bu barədə “arXiv” portalında dərc olunan məqalədə məlumat verilir.

Tədqiqat zamanı mütəxəssislər belə qənaətə gəliblər ki, kainatda həyat “ya hər şey, ya da heç nə” prinsipi ilə mövcud ola bilər. Bu prinsip iki amil üzərində qurulub: hər hansı bir hadisənin baş vermə ehtimalı ya çox yüksək, ya da son dərəcə aşağıdır.

Beləliklə, yadplanetlilərin sivilizasiyaların mövcudluğu ehtimalının kainatın tamamilə boş olması ehtimalına bərabər olduğunu düşünmək mümkündür.

Tarixdə bir çox hallarda insanlar yadplanetlilərin mövcudluğuna dair sübutlar axtarıblar. Məsələn 1977-ci ildə “Vau!” siqnalı qəbul edilib və bu siqnalın yadplanetlilər tərəfindən göndərildiyi ehtimal olunub. Lakin sonradan məlum olub ki, bu siqnal təbii mənşəli olub.

Hazırda Süd Yolu qalaktikasında təxminən 100 milyard ulduz var və bu ulduzların ətrafında milyardlarla planet fırlanır. Alimlərin fikrincə, bu qədər böyük sayda planetlərin olması həyatın yaranması üçün əlverişli şərait yaradır və yadplanetli sivilizasiyalarının mövcudluğu ehtimalını artırır.