Zaporojye atəş altında | Hücumdan sonra ağır mənzərə - Baku TV

Rusiya Ukraynanın Zaporojye şəhərinə hücum edib. Nəticədə 6 nəfər yaralanıb.

Bu barədə Zaporojye vilayət hərbi administrasiyasının rəhbəri İvan Fedorov “Telegram”da bildirib.

Onun sözlərinə görə, Rusiya qoşunları vilayətin mərkəzinə pilotsuz uçuş aparatları ilə zərbələr endirib, yaralılara tibbi yardım göstərilib.

Bu arada Rusiya müharibənin 1650-ci günü üçün Ukrayna Ordusunun itkiləri haqqında məlumatı yeniləyib.

Rusiya Müdafiə Nazirliyinin rəsmi nümayəndəsi İqor Konaşenkovun sözlərinə görə, xüsusi əməliyyatın başladığı gündən indiyə qədər qarşı tərəfin 674 təyyarəsi, 284 helikopteri, 223 922 pilotsuz uçan aparatı, 670 zenit-raket kompleksi, 30 761 tank və digər zirehli texnikası sıradan çıxarılıb.

Bundan əlavə, 1 776 reaktiv yaylım atəş sistemi, 36 329 artilleriya və minaatan, 70 660 hərbi avtomobil texnikası məhv edilib.