Zelenski icazə verdi ki, müharibə... | Tramp Ər-Riyaddakı görüşü şərh etdi

“Ər-Riyaddakı görüşdən sonra daha çox əmin oldum ki, Ukraynada vəziyyətin nizamlanması üzrə razılaşma əldə edilə bilər. Ukraynada sülhə nail olmaq üçün ABŞ-nin Avropadakı hərbi mövcudluğunu azaltmağa ehtiyac görmürəm. Amma Avropa qoşunlarının Ukraynaya göndərilməsinin əleyhinə deyiləm”.

Bunu Donald Tramp Rusiya ilə ABŞ arasında aparılan son danışıqları şərh edərkən deyib.

“Rusiya ilə münaqişə kontekstində Ukraynanın mövqeyindən məyus oldum. Onların üç ili var idi. Ukraynaya verdiyimiz bütün pullar hara getdi? Zelenskinin özü ABŞ-nin ayırdığı vəsaitin yarısının harada olduğunu bilmir. Ukrayna danışıqlar masası arxasında oturmaq istəyirsə, seçkiyə ehtiyacı var. Zelenskinin ukraynalılar arasında reytinqi 4 faizdir. Rusiya çox sürətlə Ukrayna şəhərlərini, o cümlədən Kiyevi 100% məhv etməyə qadirdir, lakin bunu etmək istəmir. Zelenski administrasiyası müharibənin davam etməsinə icazə verdi”, – D.Tramp bildirib.