Zelenski prezidentlikdən getməli olacaq? - Trampın bu addımı Rusiya üçün isə...

ABŞ Prezidenti Donald Trampın sülh planı Ukrayna lideri Volodimir Zelenskiyə prezidentliyi bahasına başa gələ və ölkədə sabitliyi poza bilər.

Bu barədə “Politiko” məlumat yayıb.

Qeyd olunub ki, ərazilərin verilməsi təklifi Konstitusiyaya dəyişikliklər və referendum tələb edəcək:

“Bu, kəskin siyasi böhrana səbəb ola və Moskva üçün “Troya atına” çevrilə, Putin isə Ukraynadakı daxili ixtilafdan öz revanşist məqsədləri üçün istifadə edə bilər. Hazırkı saziş layihəsinə görə, Ukrayna NATO-ya üzv olmaqdan imtina edir, işğal olunmuş əraziləri de-fakto güzəştə gedir, ABŞ-nin dəstəyi olmadan üçüncü ölkələrdən qeyri-müəyyən təhlükəsizlik zəmanətləri alır, ABŞ-nin xeyrinə mineral sərvətlərin bölüşdürülməsi sazişini imzalayır. Eyni zamanda Rusiyadan nə təzminat alır, nə də hərbi cinayətlərə görə məsuliyyət zəmanəti”.

Nəşr vurğulayıb ki, ABŞ-dən dəqiq zəmanətlər və hərbi dəstək olmasa, bu atəşkəs Putin üçün təcavüzün növbəti mərhələsinə qədər ancaq möhlət olacaq.