Zelenski Putindən gözlədiyi cavabı aldı? - Görüş barədə təcili açıqlama

“Rusiya hələ də Ukraynanın Türkiyədə birbaşa görüş keçirmək təklifinə cavab verməyib”.

Bunu Ukrayna Prezidenti Volodimir Zelenski videomüraciətində deyib.

O həmçinin ABŞ Prezidenti Donald Trampın da belə bir görüşü tam dəstəklədiyini açıqlayıb.

“Ukrayna hər zaman diplomatiyanı dəstəkləyib. Mən Türkiyəyə gəlməyə hazıram. Təəssüf ki, bu günə qədər dünya Rusiyadan atəşkəs təkliflərinə dair aydın cavab almayıb. Rusiya tərəfinin hücumları və bombardmanları davam edir. Moskva bütün gün susqunluğunu qoruyaraq birbaşa görüş təklifinə cavab vermədi. Bu, olduqca qəribə bir susqunluqdur. Nə olursa-olsun, Rusiya bu müharibəni bitirməli olacaq və bunu nə qədər tez etsə, bir o qədər yaxşıdır. Qətl və dağıntıları davam etdirməyin heç bir mənası yoxdur”, ‒ o bildirib.

V.Zelenski vurğulayıb ki, Ukrayna başladığı andan bu müharibəni bir saniyə belə istəməyib.

“Biz tərəfdaşlarımızla birlikdə təhlükəsizlik məsələlərinə önəm veririk, sülhün bərqərar olması üçün etibarlı təməl hazırlayırıq və diplomatiyanın işləməsi üçün birlikdə hərəkət edirik”, – deyə Ukrayna lideri bildirib.