Zelenskidən Almaniyada mühüm açıqlamalar | ABŞ da bizim kimi gözləyir ki...

Ukrayna Prezidenti Volodimir Zelenski Almaniyaya səfər edib.

Səfər çərçivəsində V.Zelenski Almaniya Kansleri Fridrix Mertslə görüşüb.

Görüş zamanı Rusiya ilə danışıqlarla bağlı vəziyyət müzakirə edilib.

V.Zelenski mətbuat konfransında bildirib ki, Rusiyanın hücumlarının dayandırılması üçün hansı addımların atılacağını gözləyir:

“Əvvəlcə atəşkəs, sonra liderlər arasında görüş olmalıydı. Heç biri olmadı. Rusiya indiyə qədər yeni heç nə ilə çıxış etməyib və öz köhnə ultimatumlarını təkrarlayır.

Hesab edirik ki, atəşkəsin əldə edilməsində heç bir ilkin şərt olmamalıdır. Rusiya tərəfi buna cavab verməyib. ABŞ də bizim kimi gözləyir. Rusiya neytral Cenevrədə danışıqlar aparmaq istəmir, lakin NATO-nun üzvü olan Türkiyədə görüşməyə razıdır.

Görürsünüzmü? Söhbət hansı ölkənin danışıqlara ev sahibliyi etməsi və hansı alyansa aid olmasından getmir. Söhbət Vladimir Putindən və onun danışıqları təxirə salmaq istəyindən gedir”.

V.Zelenski əlavə edib ki, Rusiya liderini dayandırmağın yeganə yolu onlara qarşı sanksiyaları sərtləşdirməkdir.