Zelenskidən xalqa təcili xəbərdarlıq | “Hörümçək toru”nun peyk görüntüləri yayıldı, üzə çıxdı ki...

02 iyun 2025 383 baxış

İyunun 2-də Rusiya silahlı qüvvələri Ukraynanın Xarkov şəhərinə pilotsuz uçuş aparatları ilə hücum həyata keçirib.

Hücumda raketlərdən də istifadə olunub. Dağıntı qeydə alınıb, xəsarət alanlar var. Yaralılar arasında uşağın da olduğu deyilir.

Şəhərin meri İqor Terexov bildirib ki, hücum nəticəsində yanğın da qeydə alınıb. Bir neçə fərdi yaşayış evi və şəxsi avtomobil yanıb.

Xarkovun Kiyev rayonuna isə iki raket atılıb. Raketlərdən biri yaşayış binası, digəri məktəbin yaxınlığına düşüb. Ukrayna

Prezidenti Volodimir Zelenski əhaliyə böyük hücum barədə xəbərdarlıq edib. Çünki Rusiya iyunun 1-də məruz qaldığı “hörümçək toru” əməliyyatına cavab verməyə hazırlaşır. İyunun 1-dən 2-nə keçən gecə Rusiyanın 500 PUA ilə Ukraynaya hücumu da buna sübutdur.

Bu arada, Ukraynanın İrkutskdakı “Belaya” aviabazasına etdiyi PUA hücumunun peyk görüntüləri yayılıb. Şəkillərdə Rusiyaya aid təyyarələrin məhv edildiyi əks olunub.

#Rusiya Silahlı Qüvvələri