Zelenskinin Çinlə bağlı sözləri qalmaqal yaratdı | Pekindən cavab gecikmədi

Ukrayna Prezidenti Volodimir Zelenskinin Çinin də Rusiya ilə birgə Ukraynaya qarşı döyüşdüyü barədə dedikləri Çin Xalq Respublikasında belə şərh olunub:

“Məsuliyyətsiz iradlar bildirməməyi tövsiyə edirik”.

Çinin Xarici İşlər Nazirliyinin sözçüsü Lin Siana mətbuat konfransında bununla bağlı sual ünvanlanıb.

“Doğrudanmı, Volodimir Zelenskinin dediyi kimi, Çinin 155 vətəndaşı Rusiya Ordusunda Ukraynaya qarşı vuruşur?” suala cavabında XİN sözçüsü bildirib ki, Çin “Ukrayna böhranı”nda tərəf deyil və konfliktin sülh yolu ilə nizamlanmasının tərəfdarıdır.

Qeyd edək ki, Ukraynada iki Çin vətəndaşı olan hərbçinin girov götürüldüyü barədə məlumat və görüntü yayılıb. Çıxışlarının birində Volodimir Zelenski bununla bağlı Kiyevdə araşdırma aparıldığını qeyd edib.

Həmçinin bildirib ki, digər ölkələrdən fərqli olaraq Çin Rusiyaya Kurskda yox, məhz Ukrayna ərazisində kömək edir. Donald Tramp bütün bunlara diqqət yetirməlidir.