Zibil qutularının olmamasının arxasındakı qalmaqallı həqiqət | Bu ölkədə...

Yaponiyada demək olar ki, zibil qutuları yoxdur. Bəs onda insanlar zibillərini hara atırlar?

Yaponiyada ictimai zibil qutularının həddən ziyadə az olmasının bir neçə məntiqi səbəbi var.

Belə ki, 1995-ci ildə Tokio daxili terror aktı ilə sarsıldı. Şinrikyo terror təşkilatının üzvləri laboratoriyada hazırlanmış Sarin qazını Tokio metrosunun müxtəlif stansiyalarına buraxaraq çoxlu sayda insanın ölümünə və yaralanmasına səbəb oldu. Sarin qazı son dərəcə zəhərlidir və məruz qalanlarda iflic və boğulmalara səbəb ola bilir.

Hücum cinayət nisbəti aşağı olan və terror hadisəsi az olan bir ölkə üçün çox böyük şok idi. Bu baxımdan, gələcək hücumların qarşısını almaq üçün görülən tədbirlərdən biri də ictimai zibil qutularının yığışdırılması olub.

Digər səbəb isə zibilin yığılmasının bahalı proses olmasıdır. Çünki Yaponiyada tullantıların yığılması ayrı-ayrı bələdiyyələr tərəfindən idarə olunur və əsasən pulsuz dövlət xidməti kimi təqdim olunur. Tokio kimi böyük şəhərlərdə zibil qutularının quraşdırılması əmək tələblərinin artmasına və yeni maliyyə tələblərinə səbəb olur.

Yaponiyada insanlar ümumiyyətlə zibillərini evlərinə aparıb ayırmağa üstünlük verirlər və ictimai yerlərin təmizliyinə diqqət yetirirlər.

Zibil qutularını parklarda, bəzi qatar stansiyalarında və ictimai tualetlərdə tapmaq olar. Avtomatların yanında xüsusi tullantı qutuları da var. İnsanlar adətən avtomatlardan aldıqları içkiləri bitirib bankanı bura atıb yollarına davam edirlər.

Xüsusilə marketlərdə zibil qutularına rast gəlmək olar. Lakin bu qablar müştərilər üçün nəzərdə tutulduğundan çöldən zibil atmaq, ümumiyyətlə, birmənalı qarşılanmır. Müştərilər zibilləri düzgün ayırmırlarsa və ya başqa yerlərdən külli miqdarda zibil gətirərlərsə, o zaman market işçiləri zibilləri ayırmağa məcbur olurlar. Bu səbəbdən bir çox marketlər zibil qutularını içəri köçürüb.