Zurabişvili son nöqtəni qoydu | Baş nazirdən Prezidentə sərt tənqid

Gürcüstanın Baş naziri İrakli Kobaxidze Prezident Salome Zurabişvilinin “Xarici təsirin şəffaflığı haqqında” qanuna veto qoyaraq müzakirə üçün bütün imkanları bağladığını deyib.

O bu barədə keçirdiyi brifinqdə məlumat verərək ölkə başçısını tənqid edib.

Bildirib ki, Gürcüstanın tərəfdaşları veto prosedurlarını mövqelərin uzlaşdırılması üçün istifadə etmək niyyətində olub, lakin S.Zurabişvili qanunu kobud surətdə veto edərək sağlam müzakirələr üçün bütün imkanları bağlayıb.

İ.Kobaxidze əlavə edib ki, Gürcüstanda keçirilən sosial sorğuların nəticəsinə görə, ölkə əhalisinin 60%-dən çoxu qanun qəbul edilməsini dəstəkləyir.

Xatırladaq ki, Prezident Salome Zurabişvili mayın 18-də mübahisəli qanun layihəsinə veto qoyub. Bundan başqa, o, Fransa Prezidenti Emmanuel Makrona etirazlar fonunda Gürcüstana gəlməsi üçün müraciət edib.