“2 nəfəri bıçaqlayıb, sonra...” | Hadisə şahidi Nərimanovdakı kütləvi davadan danışdı - Baku TV

Bakının Nərimanov rayonunda kütləvi dava baş verib.

Hadisə nəticəsində 1998-ci il təvəllüdlü Sərvan Məsimov, 1996-cı il təvəllüdlü Raqif Rəhimov və 1996-cı il təvəllüdlü Ravin Xəlilov müxtəlif dərəcəli bədən xəsarətləri alıblar.

Məlumata görə, hadisə ərazidə yerləşən kafelərin birində başlayıb. Məclis zamanı spirtli içki qəbul edən şəxslər arasında mübahisə yaranıb. Mübahisə nəticəsində Sərvan Məsimov və Raqif Rəhimov bıçaqlanıb, Ravin Xəlilov isə döyülüb.

Yaralılardan ikisi Sabunçu Tibb Mərkəzinə yerləşdirilib. Vəziyyəti ağır olan Raqif Rəhimov isə akademik M.A.Topçubaşov adına Elmi Cərrahiyyə Mərkəzinə aparılıb.

Hadisə şahidinin sözlərinə görə, dava gecə saat 01:45 radələrində baş verib. Münaqişədə 6-7 nəfər iştirak edib. Onlardan birinin əlində bıçaq olub və iki nəfərə xəsarət yetirib. Daha sonra iştirakçılar hadisə yerindən qaçıblar.

Əraziyə Nərimanov Rayon Polis İdarəsinin 17-ci Polis Şöbəsinin əməkdaşları cəlb olunublar. Əməli törədən şəxs və ya şəxslərin saxlanılması istiqamətində tədbirlər görülür.

Faktla bağlı araşdırma aparılır.