200 min dollarlıq qaçaqmalçılıq belə ifşa olundu | DSX-dən məlumat

Xəzərdən Azərbaycana 200 000 dollarlıq tütün məmulatları keçirilməsinin qarşısı alınıb.

Bu barədə Dövlət Sərhəd Xidmətindən məlumat verilib.

İyunun 27-də Dövlət Sərhəd Xidmətinin Sahil Mühafizəsinin sahil nəzarəti bölmələri və sərhəd gəmisinin qarşılıqlı fəaliyyəti nəticəsində Xəzər dənizi vasitəsilə Azərbaycan ərazisinə qeyri-qanuni yolla təxminən 200 000 ABŞ dolları dəyərində ümumilikdə 28 836 qutuda müxtəlif adda tütün məmulatlarının keçirilməsinin qarşısı alınıb.

Fаkt üzrə əməliyyаt-istintaq tədbirləri dаvаm еtdirilir.