23 kq heroin və marixuana aşkarlandı | Xətaidə "bariqa" əməliyyatı

Paytaxtın Xətai rayonunda saxlanılan narkokuryerlərdən 10 kiloqramdan artıq marixuana aşkar edilib.

Bu barədə Daxili İşlər Nazirliyi məlumat yayıb.

Bildirilib ki, keçirilən əməliyyatlar zamanı paytaxt sakinləri 30 yaşlı Bayram İsgəndərov və 44 yaşlı Vəli Əmirov saxlanılıb. Onlardan 10 kiloqramdan artıq marixuana aşkarlanıb.

Həmçinin Xətai rayonunda bu ilin ilk rübündə narkotiklərin qanunsuz dövriyyəsinə qarşı keçirilən tədbirlərlə ümumilikdə 120 cinayət faktı qeydə alınıb. Saxlanılan şəxslərdən 23 kiloqram heroin, marixuana və digər növdən olan narkotiklər, eləcə də psixotrop maddə olan metamfetamin aşkar olunub.

Qeyd edilən dövr ərzində həmçinin əməliyyat yolu ilə 3 “Kalaşnikov” avtomatı, 1 “Makarov” tapançası və 3 ədəd “F-1” əl qumbarası aşkar edilib.