Ağdamda ər arvadını qətlə yetirdi

Ağdamda ər qısqanclıq zəminində həyat yoldaşını qətlə yetirib.

Hadisə gecə saat 3 radələrində rayonun məcburi köçkünlər üçün salınmış Təzəkənd qəsəbəsi 141 nömrəli evdə baş verib. 48 yaşlı Sahib İbadov həyat yoldaşı 37 yaşlı Tünzalə İbadovaya bıçaqla xəsarət yetirərək onu öldürüb.

Yaxınları bildirib ki, Bakının Qobu qəsəbəsində yaşayan mərhum Tünzalə özü ata-anasız böyüyüb, indi isə onun 5 övladı yetim qalıb. Onlardan böyüyünün 12, kiçiyinin isə 3 yaşı var.

Qeyd edək ki, faktla bağlı Ağdam rayon prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanılıb. Sahib İbadov şübhəli şəxs qismində saxlanılıb. Hazırda iş üzrə ibtidai istintaq davam etdirilir.