Ağdaşda kanala düşən 11-ci sinif şagirdinin axtarışları davam edir

Ağdaşda 17 yaşlı oğlan Yuxarı Şirvan su kanalında boğulub.

Hadisə iyunun 9-da saat 16:00 radələrində rayonun Bulaqotu kəndi ərazisində qeydə alınıb. Orta Ləki kəndi sakini Samir Kərimli dostları ilə birlikdə həmin kanalda çimərkən batıb.

Yeniyetmənin axtarışlarına Fövqəladə Hallar Nazirliyinin dalğıc-axtarış qrupu cəlb edilib. Bir neçə saat axtarışlar aparılsa da, bir nəticəsi olmayıb.

Suda batan 11-ci sinif şagirdinin axtarışları davam etdirilir.