Arvadını qətlə yetirən şəxs hakim qarşısında | Qərar açıqlandı
Paytaxtda arvadını boğaraq öldürməkdə təqsirləndirilən Nurəddin Məmmədovun cinayət işinin məhkəmə prosesinə start verilib.
Bakı Ağır Cinayətlər Məhkəməsinin hakimi Mahirə Kərimovanın sədrliyi ilə keçirilən hazırlıq iclasında təqsirləndirilən şəxsin anket məlumatları dəqiqləşdirilib.
Dövlət ittihamçısı Fuad Musayev təqsirləndirilən şəxs barədə seçilmiş həbs qətimkan tədbirinin dəyişdirilmədən işin baxışa verilməsini məhkəməyə təklif edib.
Məhkəmə qısa müşavirədən sonra işin baxışa verildiyini və təqsirləndirilən şəxs barəsində seçilmiş həbs qətimkan tədbirinin dəyişdirilmədən saxlanılması ilə bağlı qərar qəbul edib.
Məhkəmənin ilk baxış iclası sentyabrın 12-nə təyin edilib.
Qeyd edək ki, hadisə 2024-cü ilin mayında paytaxtın Sabunçu rayonunda baş verib. Belə ki, 1996-cı il təvəllüdlü Nurəddin Məmmədovun Ramana qəsəbəsi ərazisində arvadı, 2002-ci il təvəllüdlü Ayşən Məmmədovanı boğaraq qəsdən öldürməsinə əsaslı şübhələr müəyyən edilib.
Nurəddin Məmmədov polis əməkdaşları tərəfindən şübhəli şəxs qismində saxlanılıb. Ona qarşı Cinayət Məcəlləsinin 120.1-ci – qəsdən adam öldürmə maddəsi ilə ittiham irəli sürülüb.
#Bakı Ağır Cinayətlər Məhkəməsi teqi istifadə olunub
- Tanışını bıçaqlayıb qaçmaq istədi, maşın vurdu | Cinayətkar məhkəmədə dindirildi - Baku TV
- İş yerindəki mübahisə faciəyə səbəb oldu | Qətl törədən cinayətkara hökm oxundu - Baku TV
- Təqsirləndirilən Ermənistan vətəndaşlarının məhkəməsində nələr yaşandı?
- Bakıda dəhşətli qətl: Təqsirli bilinənlərin məhkəməsi keçirildi - Baku TV
- "Bununla öldürmək olardı?!" - Arvadı Nüşabəni öldürən əfqanıstanlıdan dəhşətli etiraflar - Baku TV
