Pleyeri seçin:
Astarada güclü leysan torpaq sürüşməsinə səbəb oldu
Cənub bölgəsində bir neçə gündür ki, yağıntılı hava şəraiti hökm sürür.
Leysan xarakterli yağış Astarada bir sıra fəsadlar törədib. Sel suları ucqar dağ kəndlərində yollara, körpülərə zərər vurub. Rayonun Niləşə kəndində torpaq sürüşməsi baş verib.
Hadisə nəticəsində kənd sakini Günay Ruhşanovanın evinə ziyan dəyib. Həyətyanı sahədəki meyvə ağacları, toyuq-cücə torpağın altında qalıb.
Qonşu Sərxan Fətəliyev bildirib ki, evin arxa hissəsi uçub və yaxın günlərdə yağış yağarsa, vəziyyət daha təhlükəli ola bilər.
Bələdiyyə sədri Ramin Dədəyev sürüşmə faktı barədə aidiyyəti qurumlara məlumat verildiyini bildirib.
O həmçinin qeyd edib ki, dağlardan gələn sel suları irigövdəli qurumuş ağacların qol-budaqlarını, torpaq qatını gətirərək bəzi körpülərin, suötürücü boruların qarşısını kəsib. Hazırda onların təmizlənməsi işləri görülür.
Kopyalandı
#Astara teqi istifadə olunub
- İtkin düşmüş balıqçıların axtarışlarına helikopter cəlb olundu - Baku TV
- Astarada itkin düşən balıqçıların axtarışı davam edir
- Xəzərdə itkin düşən balıqçılar barədə ürəkdağlayan xəbər
- Təcili: Xəzər dənizində iki balıqçı itkin düşdü
- Mandarin fermerlərin əlində qalıb | "Çox böyük ziyandayıq, ona görə də..."
Seçilmişlər
