Azərbaycana narkotik gətirən şəxsin planı pozuldu | DSX-dən Xəzərdə əməliyyat

Xəzər dənizində narkotik vasitələrin qaçaqmalçılıq yolu ilə Azərbaycana gətirilməsinin qarşısı alınıb.

Dövlət Sərhəd Xidmətinin Mətbuat Mərkəzindən verilən məlumata görə, Sahil Mühafizəsinin texniki müşahidə məntəqələri tərəfindən aşkarlanan hədəfin saxlanılması məqsədilə əməliyyata başlanılıb.

Keçirilən tədbirlər nəticəsində Qızılağac Dövlət Təbiət Qoruğu ərazisində Lənkəran rayon Balıqçılar qəsəbə sakini 1989-cu il təvəllüdlü Cəfər Ağayev sahilə yan alarkən sərhəd naryadı tərəfindən saxlanılıb.

Qayığa baxış zamanı 7 bağlamada ümumi çəkisi 29 kiloqram 715 qram marixuana, ov tüfəngi, 24 ədəd patron, həmçinin GPS cihazı, mobil telefonlar aşkar olunaraq götürülüb.

Fаkt üzrə əməliyyаt-istintaq tədbirləri dаvаm еtdirilir.