Pleyeri seçin:
Azərbaycanlı aktyor Qazaxıstanda avtomobil qəzasına düşdü
Aktyor Ruslan Sabirli Qazaxıstanda avtomobil qəzasına düşüb.
Bu barədə o özü məlumat yayıb. Bildirib ki, qəza zamanı xəsarət almayıb.
"Demişdim sizə, Qazaxıstanda gecə trasla maşın sürmək təhlükəlidir. Bu da nəticə. Qarşıdan gələn avtomobil uzaq işıqlarını yandırıb deyə sürücümüz yola qəfil çıxan iki atı görə və vaxtında reaksiya verə bilməyib. Şükür salamatlıqdır.
Burada at əti yeyilir deyə əksəriyyət at saxlayır və onlar sürü ilə gecələr çöldə gəzirlər. At oğurlamağa görə böyük cərimə olduğu üçün at sahibləri rahatdırlar. Təhlükə isə ondan ibarətdir ki, atlar sürətlə qəfil yola çıxırlar və digər heyvanlardan fərqli olaraq onlar işığa, yəni maşının işığına qaçırlar", – deyə aktyor qeyd edib.
Kopyalandı
Seçilmişlər
