Bakıda qorxu yaradan hadisə | FHN hərəkətə keçdi

Xəzər rayonunda silah-sursat aşkar edilib. Bu barədə Fövqəladə Hallar Nazirliyi məlumat yayıb.

Bildirilib ki, əraziyə Xüsusi Riskli Xilasetmə Xidmətinin minalardan təmizləmə üzrə çevik qrupu cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış keçirilib. Bu zaman aşkar edilən silah-sursatın istifadəyə yararlı 2 ədəd əl qumbarası, 2 ədəd partladıcı, 9 ədəd mərmi və 1 ədəd avtomat olduğu müəyyən edilib.

Sursatlar zərərsizləşdirilməsi üçün ərazidən götürülərək kənarlaşdırılıb, aşkar edilmiş silah aidiyyəti üzrə təhvil verilib.