Pleyeri seçin:
Bakıda uşaq sığınacağına edilən hücumun təfərrüatı
Ötən gün Bakıda uşaq sığınacağına edilən hücumun təfərrüatı bəlli olub.
Belə ki, hücuma səbəb küçədə diləndirilən doqquz və on iki yaşlı uşaqların sığınacağa gətirilməsidir.
Bu barədə Azərbaycan Uşaqlar Birliyinin sədri Kəmalə Ağazadə məlumat verib.
Onun sözlərinə görə, ötən gün səhər saatlarında metronun “20 Yanvar” stansiyasının keçidlərindən birində diləndirilən doqquz və on iki yaşlı uşaqlar sığınacağa gətiriliblər:
“Bu uşaqların diləndikləri yerdə görüntüləri də var. İlkin olaraq gigiyenik vəziyyətlərini qaydaya saldıq. Onlar gətiriləndə çox bərbad durumda idilər”.
K.Ağazadənin sözlərinə görə, valideynlərə məlumat verdikdən bir qədər sonra ona zəng edərək hədə-qorxu gəliblər.
“Sığınacağa gəlib qapıya daş, butulka atmağa başladılar. Sığınacaqda olan 30-a yaxın uşaq çox qorxdu. Ərazi üzrə polis idarəsinə məlumat verdik və dərhal əraziyə gəldilər”, – deyə o əlavə edib.
Kopyalandı
#Bakı teqi istifadə olunub
Seçilmişlər
